Kveldstur, Nord-Karmøy

Var ute og høyrte etter nattsongarar i går på strekninga Hindaråker-Skeie. Høyrte muligens myrriksa ved Fiskåvatnet

Kjapp jærtur

Høgst truleg kryssa vi gulnebblom på Sola-/Regestranda (Sola). Nokre raudnebbterner sat endeleg stille og nær nok til at dei kunne skiljast frå makrellternene. Staselege toppdykkarar på Harvalandsvatnet.

Nattsongar

Grashoppesongaren gav lyd frå seg ved Fiskåvatnet seint i går kveld, men var ikkje til å få auge på.

Madonna med stillits

I forgårs var vi i Uffizi-galleriet i Firenze og såg Madonna med stillits av Rafael. Utan fuglebok og kikert er stillitsen mykje godt den einaste arten vi har klart å identifisere i Italia. På veg austover til flyplassen fekk vi likevel med oss storlom på Flåvatnet (Nome i Telemark).