Opphaldet på Haugalandet lir mot slutten. Lite å sjå på Utsira på søndag; grå flugesnappar (ny art for Elisabeth), havhest, krykkje, teist, svartkråke, torn- og sivsongar. På mandag fekk Elisabeth med seg myrrikserop ved Bjellandsvatnet - samt parkrømte svartsvaner i Viksefjorden saman med Bernt Jarle. Grå og svartkvit flugesnappar på Baroniet i Rosendal i går.
Havsule på Flø og Runde, lunde, alke, lomvi, toppskarv, havhest, teist og krykkje på Runde. Høyrte gauken fyrst 20. mai, og fekk eit gløtt av han nokre dagar seinare. Også åkerriksa lét på Hareidsmyrane.
Fleire sivsongarar rundt Røyrvatnet og Tornesvatnet. Syngande tornsongar langs Kvalaelva.
Knekkand på Bøvatnet.
Overfart mest utan bølgeskvulp gav teist og krykkje samt havhest i sitt ess. Jan Kåre var òg i slag, og då eg var så heldig å få loffe saman med han nokre timar, vart eg servert fleire nye artar: fleire tornsongarar, grå flugesnapparar, to bøksongarar og ein sivhauk. Han spora også opp blåstrupe og gulerle (muligens sørleg). Møllar, sidensvans, hagesongar og trepiplerke synte han meg også, men desse fekk eg berre ukvalifiserte gløtt av. Sjølv fann eg raudstjert, svart-kvit flugesnappar, buskskvett og tårnfalk. Både Jan Kåre og ein lokal fuglakar hjalp meg med å skilje ut svartraudstjert-hoa frå raudstjertane.
Kryssa splitterne på Revtangen i dag takka vere ein telemarktrojka med teleskop. Lom - venteleg islom (eller gulnebblom) - på Nærland.
Medan dei ser niland og hærfugl på Karmøy, finn me berre dagledagse artar i Haugesund. Dvergspetten var å sjå i dag tidleg, vassriksa song, eit par orrhanar letta i byheia og strandsnipa er attende ved Eivindsvatnet. Granmeisa og løvmeisa er greie å skilje frå kvarandre når dei syng.
Syngande munk i morgontimane i Haraldsvangen. Vassriksa song òg.
Høyrte truleg kattugle i Norheimsskogen i går kveld.
